На многумина возрасни им е тешко да разговараат за сексот со личноста која редовно ги гледа без облека.
„Има толку многу митови за сексот“, вели Лори Минц, почесен професор по психологија на Универзитетот во Флорида.
„Еден од митовите е дека сите други имаат повеќе секс од вас. Многумина тинејџери мислат дека сите го прават тоа“, додава Деби Хербеник, директорката на Центарот за промоција на сексуалното здравје на Универзитетот во Индијана.
Таа укажува на истражувањето на кое работела и кое покажува дека сексуалната активност е намалена во последните години од причини кои не се целосно разбрани.
Во една студија 75 отсто од хетеросексуалните мажи изјавиле дека доживеале оргазам секогаш кога имале секс во изминатиот месец, во споредба со 33 проценти жени.
Уште една тема за која ретко се зборува е дека жените во постменопауза понекогаш ја опишуваат болката што ја доживуваат за време на секс како чувство на „сечење со нож“. Но, иако сувоста на вагината ги погодува постарите жени, тоа може да се случи во секој момент од животот, рече Хербеник. Се проценува дека 17 отсто од жените меѓу 18 и 50 години имаат сувост на вагината за време на сексот, додека повеќе од 50 отсто го доживуваат тоа по менопаузата.
Иако лубрикант може да им помогне на некои жени да доживеат поголемо задоволство за време на сексот, важно е да се запамети дека сексот не треба да боли.
Мажите се под одреден притисок кога станува збор за тоа како изгледаат или функционираат нивните пениси, велат експертите. Иако еректилната дисфункција, која се дефинира како постојана неспособност да се постигне или одржи ерекција, има тенденција да се зголемува со возраста, таа исто така влијае на околу осум проценти од мажите во нивните 20-ти и на 11 проценти од оние во нивните 30-ти години. Дваесет проценти мажи на возраст меѓу 18 и 59 години пријавиле дека доживеале предвремена ејакулација.
(Фото: Фрипик)
