Бијонсе и Џеј-Зи се една од најпознатите двојки во шоу бизнисот. Но, мајката на Бијонсе, бизнисменката и модна дизајнерка Тина Ноулс, вели дека е загрижена дека славата ќе влијае на нејзините внуци, Блу Ајви (13) и седумгодишните близнаци Руми и Сер. Ноулс (71) вели дека децата засега не се премногу изложени во јавноста.
„Но, еден ден тие ќе ги прочитаат лагите напишани за нив и навистина сум загрижена за тоа“, кажа Ноулс.
И покрај ваквите притисоци, таа вели дека Бијонсе и Џеј-Зи се неверојатно добри родители.
„Вистината е дека тие поминуваат квалитетно време со своите деца. Тие се одлични родители. Мислам дека не би можеле да побарате подобри родители“.
Таа кажа дека редовно се гледа со сите нејзини внуци, опишувајќи ги како една од најголемите радости во нејзиниот живот.
„Со Блу Ајви сме многу блиски, дури ми дава совети. Таа е мојот гуру за убавина. Таа е мојот менаџер”, кажа Ноулс.
