Финскиот музичар Лаури Манер ќе настапи со својот проект Кадонут Манер утре (30 мај) во скопскиот бар „Ла Кања“ (20 часот). Концертот е најавен како почеток на роденденските музички свечености на радиото „Канал 103“.
„Музиката на Кадонут Манер е емотивно патување кое го спојува американскиот гитарски примитивизам со длабочината на блузот и суровата убавина на северот. Зад себе има богата 20-годишна музичка кариера како басист во повеќе панк бендови во Финска и повеќе од 400 настапи ширум Европа, гостувања на повеќе значајни панк, фолк и џез фестивали и седум самостојни турнеи“, стои во најавата на концертот.
Препорачана донација е 200 денари.
Настапот на Кадонут Манер го означува почетокот на концертниот серијал „Нова пролет“, при што ќе гостуваат повеќе странски и домашни бендови и музичари.
