Групата „Педро Хоризонте“ го промовираше првиот албум „Паранормали мегахитови“. Членови на групата се музичари кои се на сцената повеќе од 30 години: Петар Младеновски од „Суперхикс“ (вокал, бас гитара), Гога Поп Георгиевски (гитара) и Владимир Митревски (тапани).
На албумот има 11 песни и може да се набави на цеде, а го има и на сите музички платформи. Издавач е „Дистрокидс рекордс“. Го снимаа и продуцираа Дени Крстев од „Студио 1060“ и Владимир Митревски. Текстовите, аранжманите и музиката се на Младеновски и Поп Георгиевски.
Промоцијата се одржа во културно-едукативниот центар „Лабораториум“ во Скопје, при што триото отсвире дел од песните.
Фото: З. Петровски
