Тамара Тодевска (фото) ќе одржи концерт на плоштадот во Валандово утревечер (23 мај) од 21 часот. По неа, следи концерт на Сузана Спасовска, која е првенка во ансамблот на „Танец“, а пред Тамара ќе свири „Болеро бенд“.
Концертите ги организира Општина Валандово и се во рамките на 38. Фолк фест Валандово. На 24 мај на плоштадот во Валдоново ќе настапи Каролина Гочева, заедно со раперот Тајзи и дуото „Ике де Кока“.
Финалната вечер на Фолк фест Валандово ќе се одржи на 25 мај во фестивалската сала „Јанко Узунов“ од 20:30 часот. Песните ќе бидат во духот на македонската народна музика, а пејачите ќе настапат со голем оркестар. Дел од нив се Драган Мијалковски, Ефто Пупиноски, Смиља Митровска, Благоја Грујовски, Благој Маротов и Блага Петреска.
