На 28 август од 20 часот, во Реонскиот парк во Ѓорче Петров концерт ќе одржи хрватскиот бенд „Адонаи“ со поп, рок и госпел музика. Концертот е во рамките на манифестацијата Културно лето во Ѓорче Петров.
Следниот ден е вечерта наречена „На свирка во Ѓорче“, при што диџеј сет ќе има Вера Јанковиќ со најголемите светски хитови од 1970-тите, 1980-тите и 1990-тите и ќе свири рок бендот „Деј оф“.
Викендот е посветен на најмладата публика. На 30 август, децата ќе ги забавуваат уличните баскер уметници, па во Реонскиот парк ќе има проекција на долгометражниот анимиран филм „Авантурите на Биби и Боби – Волшебната шума“.
