На 13 октомври, од 20 часот, во камерната сала на Филхармонија концерт ќе одржи Оркестарот на музичката младина на Македонија.
Диригент е Ангел Спироски, а како солисти ќе настапат Мила Јаневска – сопран, Хелена Суша – сопран и Калина Христовска – перкусии.
Ќе се изведе делото „Сумерски записи“ од Стојан Стојков за два сопрана и гудачки оркестар, Мандала за гудачки оркестар од Јана Андреевска, „Панаѓур“ за перкусии и гудачки оркестар од Гоце Коларовски и „Темпера 2“ за гудачки оркестар од Тома Прошев.
Оркестарот на Музичката младина на Македонија е младински ансамбл со повеќедецениска традиција и значајно место на македонската и меѓународната музичка сцена. Основан е во 1986 како составен дел од Летниот музички камп на Музичката младина на Македонија. Тој е единствениот ансамбл од ваков вид во југоисточна Европа.
Во оркестарот членуваат студенти од Факултетот за музичка уметност во Скопје, а учествуваат и млади музичари од различни земји.
Во оркестарот членуваат студенти од Факултетот за музичка уметност во Скопје, а учествуваат и млади музичари од различни земји.
Концертот е во рамките на Денови на македонска музика.
Фото: Охридско лето
