Поп-пејачот Даниел Дан ја сними новата песна „Ќе се шекнам“, која е дел од новото ЕП издание „Топ“, кое го објави „Ап 28 мјузик“. Автор и продуцент на песната е Александар Ристовски-Принц.
За новата песна, пејачот сними и спот во продукција на „Хит мејкер“. Во спотот учествуваат танчарите и кореографи Даниел Коцев, Леонтина Ѓорѓиевска и Стефи Здравковска.
„Среќен сум што токму со оваа песна ја започнувам новата година. Овој проект за мене претставува нов почеток и силна мотивација со уште поголема посветеност да продолжам со реализација на следните музички проекти“, рече пејачот. Новата песна е достапна на сите музички платформи.
