Јован Јованов и Елвир Мекиќ ќе одржат заеднички концерт во Скопје, во арената „Борис Трајковски“ на 6 јуни, објавија пејачите.
„На 6 јуни, Јован Јованов, Елвир Мекиќ и нивните пријатели ќе ве вратат во најубавите денови на македонската музика. Музичкиот времеплов со хитовите на Јован и Елвир на неколку часа цела една генерација ќе ја врати во младоста, а помладите ќе ги запознае со ‘Итно ми требаш’, ‘Некаде после 2’, ‘Лоша девојка’, ‘Опасно’ и ‘Слаба точка’. Неизбежна ќе биде и песната ‘Адреналин’, која двајцата долгогодишни пријатели и музички соработници ја промовираа кон крајот на 2025“, велат од тимот на Мекиќ и Јованов.
Јован Јованов и Елвир Мекиќ се пријатели и соработници долго време. Снимија повеќе заеднички песни кон крајот на 1990-тите и во почетокот на 2000-тите. Јованов повеќе од десет години живее во Канада и доаѓа во Македонија за време на Макфест, каде е дел од организацискиот тим. Мекиќ живее со семејството во Сараево.
Пред неколку дена, по неколку години пауза, Мекиќ ја промовираше новата песна „Дијамант“. Текстот го напиша Мекиќ, а музиката и аранжманот се на Јован Јованов,
Билетите за скопскиот концерт се продаваат преку мрежата на МК тикетс.
