Со вечерашниот настап на групата „Некст тајм“ започнува манифестацијата Велешко лето. Концертот е од 21 часот во амфитеатарот во Младински парк.
Организаторот Општина Велес најавува програма со разновидни содржини и настани од областа на музиката, литературата, ликовната, филмската и други уметности.
Настаните ќе се одржуваат на различни локации низ градот за да бидат достапни за сите граѓани на Велес. Велешко лето треба да трае до крајот на август.
П. ПЕЧКОВ
