Вечерва (17 септември) од 19 часот, во „Јуроп хаус“ во Тетово ќе се одржи промоција на три инклузивни сликовници на Денис Јанкуловски-Космонаутко. Настанот е дел од дополнителната програма на 14. Интернационален литературен фестивал „Про-за Балкан“.
Ќе бидат промовирани изданијата на „Прозарт“, „Големиот сон“, „Другарко“ и „Другарка, другарко и две маченца“, со илустрации на Наташа Костовска и Алексеј Костовски. На промоцијата ќе настапат децата Агрон Хајредини и Никола Стојаноски и детскиот хор „Крешендо“, под водство на диригентките Фотини Георгиадис-Кировска и Марија Пулковска-Здравковска.
Јанкуловски ќе зборува за сликовниците и нивните ликови Тина, Другарко, Другарка, Рони и Бони.
З. АНДОНОВ
