„Хуавеи“ го претстави смартфонот „Mate XT Ultimate Design“, кој може да се преклопи и да се трансформира во таблет од 10,2 инчи. Компанијата го опиша како „првиот тројно преклоплив телефон“ на светот, при што екранот е прикачен на шарки во две насоки.
Кога целосно ќе се отвори, екранот со 3.000 пиксели овозможува она што е опишано како „гледачко искуство на ниво на кино“.
Уредот автоматски се префрла помеѓу режимите на еден, двоен и троен екран како што се расплетува екранот, при што режимот на двоен екран нуди приближно квадратни пропорции, а целосно расклопениот уред работи како таблет.
Телефонот има дебелина од 12,8 милиметри кога е склопен, односно 3,6 милиметри кога е целосно расклопен.
