Престижната Модна недела во Милано ја виде една од побизарните ревии досега, откако некои од моделите носеа реплики од своите глави во рацете.

Ова се случуваше на ревијата на модниот гигант „Гучи“, кој пронајде малку инспирација и во „Игра на тронови“, па еден модел се прошета по пистата држејќи бебе змеј, во стилот на кралицата Денерис Таргарјен.

„Гучи“ за новата колекција се инспирирал и од „Игра на тронови“ (Фото; Ројтерс)

Вистински шок уследи кога моделите лежерно се појавија со отсечени глави во рацете. Ова да биде уште побизарно, тие носеа реплики од свои сопствени глави.

„Гучи“ на овој начин ја промовираше својата нова колекција за есен/зима 2018, наречена „Киборг“.

Како што објави „Вог“, главите биле направени во соработка на дизајнерот Алесандро Микеле и римската компанија за визуелни и специјални ефекти „Макинариум“. Таа, исто така, беше заслужна за третото око и за роговите што ги носеа некои модели. Според „Вог“, за нивна изработка биле потребни шест месеци.

(Фото: Ројтерс)