Скопски моден фестивал под слоганот „The Future is Present“ почна вчеравечер во скопскиот Сити мол. Првата вечер се претставија KTN, Sigma и Akademia Evolucion.
На фестивалот ќе настапат над дваесет македонски и меѓународни модни дизајнери и модни куќи.
Своите креации во наредниот месец ќе ги прикажат Евгенија Зафировска, Стефанија Насеска, Емили Пишева Гоџирова, Моника Димова, Сара Реџиќ и Мирјана Јосифоска, како и брендовите Minnimal, Bella, Superstacy, La Dama, и Minimal by Nana.
Странски гости ќе бидат STL Studios (Грција), Теја Јеглич (Словенија), Катерина Зото (Албанија) и престижната школа Akademia Evolucion (Косово).
Повеќе фотографии можете да најдете на инстаграм профилот @sdkmk.
