Водопади се посакувана дестинација во лето, но тие создаваат спектакуларно и вонземско шоу и во зимските месеци, кога водата ќе замрзне. Ова се петте најубави замрзнати водопади на светот во изборот на „Форбс“.

ПЛИТВИЧКИ ЕЗЕРА, ХРВАТСКА

(Фото: Гети)

Овој национален парк во централна Хрватска се претвора во зимска земја на чудата со своите ледени сини водопади, кои изгледаат како замрзната и снежна шума. Водата која илјадници години тече преку варовници помогнала да се обликуваат езера, пештери и водопади. Паркот има 16 езера и пет пати поголема бројка водопади.

ГОДАФОС, ИСЛАНД

(Фото: Гети)

Легендата вели дека кога Исланѓаните го присвоиле христијанството како официјална религија пред 1.000 години локалниот водач и пагански свештеник Торгир Торкелсон ги фрлил идолите на старите нордиски богови во водопадот. Денес, Годафос се преведува како „водопад на боговите“. Широк е речиси 30 метри, а водата паѓа од 12 метри височина.

ЛЕДЕНИ ПЕШТЕРИ НА ОСТРОВОТ АПОСТЛ, САД

(Фото: Гети)

Брановите од езерото Супириор низ вековите го извајале крајбрежјето на островите Апостл во американската сојузна држава Висконсин. Тие се состојат од 21 остров, а природата издлабела сводови и патеки низ карпите. Во зима, кога езерото ќе замрзне, се добива земја од бајките, исполнета со мразулци налик на иглички.

ВОДОПАДИТЕ НА ПЛАНИНАТА ЈУНТАИ, КИНА

(Фото: Гети)

Овој национален парк во кинеската покраина Хенан е благословен со шуми, илјадници егзотични цвеќиња, ретки билки, планини, клисури, езера и, секако, водопади, кои маѓепсуваат во зима и креираат смирена зимска сцена.

МИНЕХАНА, САД

(Фото: Гети)

Регионалните паркови заслужуваат исто воодушевување како националните, а доказ за тоа е овој 16 метри висок водопад во Минеаполис. Замрзнатата вода создава прекрасен сино-зелен омбре ефект.