Делови од светот ноќеска сведочеа на најдолгото делумно затемнување на Месечината во изминатите 580 години. Овој астрономски феномен беше видлив од Северна Америка, северните делови на Јужна Америка, североисточна Азија и источниот дел на Австралија.
Позната како Месечината на дабарот, ноемвриската полна Месечина беше 97% покриена со Земјината сенка. Делумното помрачување траеше повеќе од шест часа, што не се случило од 1440 година.
