Друштвото на ликовни уметници на Македонија ја носи групната изложба „Цртеж, експериментален цртеж“ во Софија, каде што ќе се отвори вечерва (19 септември) во Културно-информативниот центар.
„На оваа традиционална изложба ќе се претстават цртежи кои претставуваат концепт и длабока рефлексија и отстапуваат од воспоставените норми. Оваа година уметниците презентираат цртање со нетрадиционални материјали: чад, конец, метална жица, силиконски лепак“, вели Маја Рауник-Кирков, претседателката на Уметничкиот совет на ДЛУМ.
Изложбата во мај беше претставена во Националната галерија „Мала станица“ во Скопје (фото).
