КОСТА СТОЈАНОСКИ СО ГОДИНИ НЕМА ПРОТИВНИК НА ДРЖАВНОТО ПРВЕНСТВО ВО СЛОБОДНО ЛЕТЕЧКИ МОДЕЛИ

Охрид, (СМАРТ СДК.МК)
OLYMPUS DIGITAL CAMERA

Спортскиот аеродром „Мало Коњари” во близина на Прилеп беше домаќин на 67. државно првенство во слободно летечки модели, при што клубови од Прилеп, Охрид, Скопје, Битола и од Кавадарци се натпреваруваа во неколку категории.

Гоце Јосифовски од аероклубот „Витачево” од Кавадарци и Давид Најдоски од „Прилеп” го поделија првото место во категоријата Ф1А. Ова се модели кои се подигнуваат со помош на сајла, а потоа слободно летаат.

Климент Масин од „Охрид” славеше во Ф1Б, модели што ги движи сноп на силна гума, а по престанокот на работата на пропелерот, понираат како едрилици.

Во Ф1Ц, за модели со минијатурен мотор со внатрешно согорување, настапи само еден учесник, Коста Стојаноски од аероклубот „Скопје”. Но, тоа не е нова ситуација. Тој со децении се натпреварува во оваа категорија во која нема нови моделари со години.

Натпреварувачите немаа поволни временски услови, поради што петтиот старт беше откажан.

Д. ЧУБРИЌ