ПОЛНАТА МЕСЕЧИНА СЕ СОВПАЃА СО НОЌТА НА ВЕШТЕРКИТЕ НИЗ ЦЕЛ СВЕТ ЗА ПРВПАТ ОД 1944

Лондон, (Би-Би-Си)

Овој октомври има не една, туку две полни месечини. Феноменот е познат како сина месечина, иако таа воопшто нема да изгледа сино на ноќното небо. Се случува еднаш во две и пол до три години и се должи на тоа што лунарниот циклус и календарската година не се совршено синхронизирани.

Уште поретко, полната месечина се совпаѓа со Ноќта на вештерките, што ќе ѝ даде дополнителен амбиент на вечерта. Поточно, полната месечина ќе може да се види низ цел свет на 31 октомври за првпат од 1944 година. Ова ќе биде можно затоа што месечината ќе почне да изгрева доста порано.

Во некои временски зони полната месечина се совпаѓа со Ноќта на вештерките на секои 19 години, па следното ќе биде во 2039 година.