УНЕСКО ги стави руините на древниот град Ерихон во Палестина на својата листа на светско културно наследство, потег кој беше осуден од Израел, кој ја контролира оваа област, но не ја признава палестинската држава. Израел се повлече од УНЕСКО во 2019, обвинувајќи ја оваа организација дека е пристрасна.
Ерихон е еден од најстарите постојано населени градови на светот и се наоѓа на окупираниот Западен Брег, со кој управува меѓународно признатата палестинска управа.
На листата на УНЕСКО е вклучен тамошниот археолошки локалитет Тел ес-Султан, кој содржи руини кои датираат од деветтиот милениум пред нашата ера.
Модерниот град Ерихон е голем магнет за туристи, како поради својата историска важност, така и поради близината на Мртвото Море. Во 2010, Ерихон беше прогласен за најстариот град со ѕидови на светот, кој потекнува од модерната камена доба.
(Фото: АП)
