Во Македонија продолжи да се намалува бројката на активни случаи на коронавирус, откако се регистрирани уште 64 оздравени.
- Во изминатите 24 часа се потврдени 22 позитивни теста на коронавирус и тоа во само три града: 13 во Скопје, седум во Тетово и два во Прилеп.
- Вкупната бројка досега изнесува 1.664.
- Веќе два дена нема починати од КОВИД-19 и бројката стои на 91.
- Институтот за јавно здравје извести дека оздравеле уште 64 заразени.
- Од коронавирусот досега оздравеле вкупно 1.200 лица, со што бројката активни случаи се намали на 373, најмногу во Скопје – 128, па следуваат Прилеп и Тетово со по 58 и Велес со 49.
