Утревечер (22 ноември) од 19 часот, во киното Фросина во Младински културен центар (МКЦ) во Скопје ќе се одржи сценско-музичкиот настан „Во спомен на Есма за незаборав”.
Настанот се организира по повод 80 години од раѓањето на Есма Реџепова-Теодосиевска, а нејзини хитови ќе пеат Сузана Гавазова, Анета Љумаковска, Рамадан Бислим Рамко, Ервин Аметовски, Бернат Демирали и Харија Бислим, во придружба на оркестарот „Титаник“.
На настанот ќе се прикаже и кус документарен филм за Есма, во продукција на телевизијата „БТР“. Организатори се хуманитарната организација „Кралицата Есма и Стево Теодосиевски“ и Зоран Димов, сопственикот на телевизијата која го сними документарецот.
Есма Реџепова е родена на 8 август 1943 во Скопје, а почина на 11 декември 2016. Влезот на настанот е слободен.
