Во Музејот на Македонија вчера беше промовиран „Водич за лица со попреченост при музеите“, преку кој вработените во музеите ќе може да се стекнат со сознанија за лицата со попреченост и согласно тоа, да го направат просторот попристапен за нив.
„Патот на лицата со попреченост, покрај родителите, во голема мера го определуваме и ние, стручните работници, чија определба ни се токму овие лица. Ако уште од најмала возраст знаеме да им дадеме соодветна заштита и едукација, ако знаеме правилно да ги насочиме, резултатите нема да изостанат“, рекоа авторките на водичот, Емилија Георгиева и Сузана Марковска.
К. СЕЛАМОВСКА
