За намалување на вишокот килограми, меѓу другото, важно е да се внимава и на пијалаците што ги консумираме. Американскиот сајт „Ит дис“ состави листа од најдобрите пијалаци за оваа намена.
Црното кафе без додаден шеќер и млеко може да биде корисен напиток за слабеење. Кофеинот во кафето може да го забрза метаболизмот и да го стимулира согорувањето на мастите. Покрај тоа, кафето е богато со антиоксиданси, кои го олеснуваат процесот на слабеење.
Зелениот сок со кељ, целер, зелка и спанаќ е исклучително хранлив пијалак. Зелениот зеленчук е богат со антиоксиданси кои помагаат да се намали воспалението, кое е клучно за процесот на слабеење.
Смути од грашок е одличен избор за слабеење бидејќи е богат со протеини и влакна. Протеините од грашокот помагаат да се чувствуваме сити, ја намалуваат желбата за грицкање меѓу оброците и го стабилизираат нивото на шеќер во крвта. Нивната способност да градат мускулна маса, исто така, помага во забрзувањето на метаболизмот.
Зелениот чај е богат со антиоксиданси. Пиењето зелен чај може да помогне да се намали хроничното воспаление, што често се поврзува со дебелината. Покрај тоа, зелениот чај нема калории, што го прави одличен пијалак за оние кои сакаат да ја контролираат својата тежина.
Малина, ѓумбир, лимон и минерална вода се препорачливо нискокалорично освежување, а за слабеење помага и вода со малку морска сол. Хидратацијата е клучна за успешно слабеење, а водата игра клучна улога во сите телесни процеси, вклучувајќи го и метаболизмот. Додавањето морска сол може да помогне водата подобро да се апсорбира во клетките, да ја зајакне енергијата и да ја зголеми когнитивната функција. Може да ја намали и желбата за шеќер, што е корисно за одржување на балансот на калориите.
