Харисон Форд ја откри тајната на својот завиден физички изглед на 77 години.
Гостувајќи во шоуто на Елен ДеЏенерис, ѕвездата на „Индијана Џонс“ и „Војна на ѕвездите“ кажа дека малку вежба, а поголемо внимание ѝ посветува на исхраната.
„Не сакам да вежбам како луд. Вежбам малку, возам велосипед и играм пинг понг“, кажа Форд.
Тој додаде дека сфатил дека јадење месо не е добро за него.
„Едноставно, се уморив од јадење месо. Сфатив дека ако нешто не е добро за планетата, тогаш не е добро ни за мене. Мојата исхрана е здодевна и главно се состои од зеленчук и риба, без млечни производи и месо“.
Во една сцена од новиот филм „Повик на дивината“ Форд се појавува разголен и вели дека поради неговата одлична форма немало потреба од ефекти.
„Сѐ е природно на мене. Здрав сум и фит и сакам да бидам активен. Свесен сум дека треба да работам на себеси“, вели Форд, кој на пролет ќе почне со снимањето на петтиот дел на „Индијана Џонс“.
