Оскаровката Ен Хатавеј објави дека го чека второто дете, откривајќи дека повторно имала тежок пат до бременоста.
„Бројот два не се однесува на мој нов филм“, се пошегува Хатавеј на Инстаграм, по што се осврна на темата неплодност.
„Шегата настрана, за сите кои поминуваат низ пеколот на неплодноста и зачнувањето, знајте дека двете мои бремености не беа едноставен пат“.
Триесет и шестгодишната американска актерка седум години е во брак со бизнисменот Адам Шулман. Првото дете, синот Џонатан, го добија во 2016.
Хатавеј ретко објавува приватни фотографии на социјалните мрежи и ова е првпат јавно да призна дека имала проблеми со зачнувањето.
