Aмериканската актерка Џулија Робертс за првпат беше гостинка на Филмскиот фестивал во Венеција, за премиерата на својот најнов филм „По ловот“.
Режисер на филмот е Италијанецот Лука Гвадањино, а глумат и Ајо Едебири и Ендру Гарфилд. Филмот за првпат во кариерата ја донесе Робертс на познатиот црвен тепих во Лидо.
Робертс ја игра Алма Олсон, професорка по филозофија на Универзитетот „Јеил“ чиј живот се менува кога нејзината долгогодишна пријателка и колешка е обвинета од еден од нејзините омилени студенти за сексуален напад.
Драмата истражува како наводно либералните академици се борат со прашања за лојалност, моќ и идентитет кога се соочуваат со генерациски линии на раздор.
Зборувајќи со новинарите пред премиерата, Робертс ги отфрли сугестиите дека филмот ризикува да ги повтори културните обрасци што фрлаат сомнеж врз жртвите, особено црнките, додека ја зачувува двосмисленоста околу мажите обвинети за напад.
„Дали овој филм ќе предивика дискусии? Тоа е она на што се надеваме“, рече Робертс.
Холивудската ѕвезда, која освои Оскар во 2001 година за „Ерин Брокович“, рече дека уживала во можноста да игра конфликтен, компромитиран лик, како Олсон, која е зависна од лекови против болки и се бори да одговори на тврдењето за напад.
Гвадањино рече дека филмот е за судир на конкурентски перспективи, а не за нудење јасна морална пресуда. „Секој има своја вистина. Не е дека една вистина е поважна од друга“, рече тој.
Фото: АП
