Документарниот игран филм „Градина“ (Garden) на режисерот Бојан Тантуровски ќе има светска премиера на 23 мај во Белград, Србија, нa Фестивалoт за документарни филмови Белдокс.
Филмот се снимаше во последниве 5 години на периферијата на Скопје и ја следи приказната на група пензионери, урбани герила градинари, кои се принудени да ги напуштат градините, на кои повеќе од 35 години одгледуваат разни земјоделски производи и им служи како еден вид место за социјализација.
„Ова е емотивен филм за длабочината на она што ни претстои и значењето што можеме да го извлечеме од нашата врска со земјата и едни со други додека старееме“, велат од Белдокс.
Во филмот играат: Аранѓел Петков, Стана Петкова, Нада Миленковска, Ахмо Ѓозовиќ и Шемсудин Нумановиќ, а во реализацијата на филмот, покрај режисерот Тантуровски, учествуваа кинематограферот Кирил Шентевски, монтажерот Горан Вуќиќ, дизајнерот на звук Марко Наумовски.
Продуцент на филмот е Илија Тирицовски заедно со Пеце Талески од ОХО Продукција.
На Солунскиот филмски фестивал, филмот ја доби наградата за најдобар филм во развој во 2022.
