Краткиот документарец „Сите ќе умреме“ на Сашко Потер Мицевски ќе има премиера вечерва на МакеДокс, во 21 часот во паркот на МКЦ.
Во 25-минутниот филм, преку погребалниот бизнис се третираат веќе познати теми на економска несигурност и индивидуалните егзистенцијални дилеми во локален, типичен балкански контекст.
Ова е втор документарец на Сашко Потер Мицевски, а неговиот претходен филм е „(Вон)земјанинот Ли“. Тој работи и на бројни домашни и странски филмски и ТВ проекти. „Сите ќе умреме“ е во продукција на „Хауском“ и продуцентот Илија Тирицовски, во копродукција со „ОХО продукција“.
