Рис Витерспун дојде на премиерата на комедијата „You’re Cordially Invited“ во Њујорк со колегата Вил Ферел (57) и заедно позираа на црвениот тепих.
Филмот во режија на Николас Столер зборува за две свадби кои се закажани во исто време на исто место. Таткото на едната невеста и сестрата на другата невеста се обидуваат да го спасат свадбениот викенд, и покрај мешаницата.
Витерспун ја игра продуцентката Маргот која доброволно ја планира свадбата на нејзината помлада сестра, а Ферел го глуми Џим, кој е возбуден што ја планира свадбата на својата ќерка.
Минатата година, Рис Витерспун објави дека се враќа на еден од нејзините најуспешни проекти, хит-филмот „Русокоса од Харвард“. Иако засега не е познато дали пак ќе ја игра популарната Ел Вудс, „Дедлајн“ објави дека таа ќе биде извршен продуцент на новата серија, која е продолжување на филмот.
