На 18 септември во 20 часот, во Чифте амам, објект на Националната галерија на Македонија, ќе биде отворена изложба на уметницата Љупка Делева. Изложбата ќе трае до 9 октомври.
По повеќе децении живеење и творење во Венеција, Делева го презентира својот најнов проект „Трансформации – Flusso – Flux: 1998–2025“, кој има ретроспективен и критички карактер. Изложбата е мултимедијален архив на нејзиниот творечки опус и вклучува фотографии, видеа, перформативни акции, акварели, цртежи, интервенции и други визуелни експерименти. Дел од нив се прикажуваат за првпат пред домашната публика.
Куратор на проектот е Ана Франговска.
