Комедијата „Покојник“ од Бранислав Нушиќ, во режија на Егон Савин, ќе игра вечерва (4 април) од 20 часот во Велешки театар како дел од програмата на фестивалот „5ре“. Претставата е во продукција на Црногорско народно позориште и Центарот за култура во Тиват.
„Во оваа комедија Нушиќ директно ја наслика спрегата на власта со криминалот, исто како што отворено го прикажува полициското насилство над граѓанските права и слободи. Претставата е преполна со горчина, комична слика на менталитетот“, кажа режисерот Савин за неговата претстава.
Настапува ансамблот на Црногорско народно позориште од Подгорица.
П. ПЕЧКОВ
