КРИТИЧАРИТЕ ГО РАСТРГНАА ДЕБИ-РОМАНОТ НА ШОН ПЕН

Њујорк, (Би-Би-Си)

Актерот Шон Пен го објави својот прв роман „Боб Хани кој прави работи“ и веројатно нема да се прослави како најдобрата книга што некогаш била напишана.

Критичарите го изрешетаа романот, во којшто главниот лик е платен убиец кој работи за американската разузнавачка служба. Во книгата има и измислен претседател, кој е опишан како „насилно незрело 70-годишно момче”.

Во епилогот, романот го нарекува движењето #МеТоо „крстоносна војна на деца “.

Критичарот на „Њујорк тајмс“, Џеф Гајлс, напиша дека романот е како „загатка завиткана во енигма и покриена со лудило” , како и дека едвај преживеал читајќи го романот.

„Сите освен Шон Пен ќе уживаат во читањето на оваа книга“, е една од реакциите на Твитер.

Дејвид Канфилд од „Ентертејнмент викли“ се обидува да го објасни размислувањето на Пен.

„Тешко е да не ја читате книгата како гласен, лут, апсурден одговор на состојбата во светот”, пишува тој.

Меѓу ретките кои не беа разочарани од книгата е писателот сер Салман Ружди, кој вели дека книгата е „многу забавна за читање“.

Педесет и седумгодишниот глумец освои оскар за „Мистична река“ и „Милк“.