Со претставата „Ничија земја“, Македонскиот народен театар ќе ја отвори првата вечер на новиот европски фестивал „Театар без граници“, кој ќе се одржува од 18 до 21 септември во Ќустендил, Бугарија.
„Ничија земја“ е во режија на Александар Морфов, а играат Сашко Коцев, Тони Михајловски, Гораст Цветковски, Александар Микиќ, Борче Начев, Оливер Митковски, Софија Насевска-Трифуновска, Александар Михајловски, Томе Станковски, Александар Ѓорѓиески, Ненад Анѓелковиќ, Никола Стефанов, Стефан Спасов, Григор Јовановски, Кристина Гиева, Филип Миленкоски, Александар Ивановски и Марија Кондовска.
На првото издание на фестивалот ќе учествуваат театри од Македонија, Србија и Бугарија.
(Фото: МНТ)
