Андреа Бочели го воодушеви светот со својот емотивен и моќен велигденски настап во морничаво празната катедрала Дуомо во Милано, испраќајќи пораки на љубов, надеж и заздравување.
Получасовниот настап насловен „Музика за надеж“ се пренесуваше во живо на Јутјуб, каде што Бочели имаше публика од 3,4 милиони гледачи.
Во услови кога таа е затворена поради пандемијата на коронавирусот, 61-годишниот тенор доби ексклузивен пристап во катедралата од миланскиот бискуп Џанантонио Боргоново и од градоначалникот Џузепе Сала.
Настапот се одржа зад затворени врати на катедралата, а Бочели го придружуваше само италијанскиот органист Емануеле Вијанели.
