КОЕН, КЕЈВ И СИНАТРА СО ФИЛХАРМОНИЈАТА ЗА ДЕНОТ НА ВЉУБЕНИТЕ

Скопје, (СМАРТ СДК.МК)

Од денеска, на билетарницата на Македонската филхармонија се продаваат билетите за концертот по повод Денот на вљубените, насловен „Крвави балади“.

На концертот на 14 февруари, во аранжмани и по диригентство на Џијан Емин, ќе се изведат теми од славните музичари Леонард Коен, Ник Кејв, „Портисхед“, Том Јорк, Бјорк, Ненси Синатра и од Џони Кеш.

Како вокалисти ќе настапат Тања Царовска и Бранислав Николов, фронтменот на „Фолтин“.

Билетите се по цена од 800 и 1.000 денари, а билетарницата работи секој ден од 10 до 20 часот, а во саботите од 10 до 14 часот.