Вечерва (28 март) од 20 часот, во Филхармонијата ќе се одржи концертот насловен „Татковина“. Како солист настапува виолинистот Бојан Илкоски, а ќе диригира Сашо Татарчевски.
На програмата ќе бидат Концертот за виолина и оркестар бр.1 од Николо Паганини и Симфонија бр. 4 во Д-мол, оп.120 од германскиот композитор Роберт Шуман.
Бојан Илковски неодамна како солист го изведе концертот на Паганини во Софија со оркестарот „Симфониета Софија“ и маестро Свилен Симеонов.
