Групата „Брас брадрс“ сними дует со кантавторката Мијата насловен „Сакав уште“ (I Wanted More).
„Нашата нова песна е музичка симбиоза која ги спојува уникатните звуци на бендот со прекрасниот вокал на Мијата. Ни беше задоволство да соработуваме со неа, нејзиниот вокален стил ни донесе поинаква перспектива и ја дополни енергијата“, велат од „Брас брадрс“.
Песната е најава за концертот на Мијата, кој ќе се одржи на 15 мај во малата сала на Филхармонијата во рамките на Скопски градски фестивал.
![](https://smart.sdk.mk/wp-content/uploads/2024/04/mijata-1.png)
Музиката и аранжманот се на Горан Мицевски-Кус, фронтменот и тромбонист во бендот, а текстот е на Наташа Мијат Крстевска. Спотот е во режија на Сара Јазаџиска-Бибовска, а директор на фотографија е Борис Ралев. Песната е достапна за преслушување и купување на сите дигитални музички платформи.
Бендот „Брас бардрс“ постои 11 години. Покрај Мицевски, во него свират и Костадин Бетов на алт саксофон и трубачите Пере Мелов, Илија Мицев и Никола Митрев, а поддршка им е диџејот Јован Мартиновски. Групата е препознатлива по динамичните настапи во живо.