Вечерва во 22 часот во Сули ан, на Скопско лето, концерт ќе одржи Младинскиот светски џез оркестар под диригентство на светски признатиот тромбонист, композитор и професор од САД, Луис Бонила.
Ова е првиот интернационален младински џез оркестар во светот, формиран во 2012 година, а составен е од 18 млади професионални џез музичари, избрани преку отворени глобални аудиции.
Бендот работи со најдобри диригенти, уметници и композитори во светот и годишно оди на турнеја, појавувајќи се на престижни европски места и фестивали.
Младите музичари, претставувајќи 12 земји и шест континенти, месецов ја почнаа турнејата низ Македонија, Бугарија, Хрватска и Словенија.
Концертот се организира во соработка со Музичка младина на Македонија, а билетите се продаваат во „Југотон рекордс“ по цена од 200 денари.
