„АББА симфоник шоу“, трибјут групата од Словачка која ги пее хитовите на славниот шведски бенд, доаѓа во Скопје на 26 април. Концертот ќе се одржи во салата „Борис Трајковски“, објави „Авалон“.
Групата е специфична по тоа што ги изведува хитовите на „АББА“ во нови аранжмани во придружба на симфониски или камерен оркестар.
Аранжманите ги прави Михал Јаниш, пијанист во „Хепи бенд“, оркестарот кој го следи „АББА симфоник шоу“ на настапите низ Европа. Билетите ќе се продаваат од утре (20 март) преку мрежата на ticketx.mk.
