На 29 јуни од 20 часот, во Социјалниот центар „Дуња“, во Скопје, ќе се одржи концерт на импровизирана музика, во соработка помеѓу тројца музичари: Димитар Додовски, Мартин Георгиевски и Нинослав Спировски. Сите се со различни искуства и контексти, поврзани преку заедничкиот интерес за звучна авангарда, амбиентални структури и слободна интерпретација.
Димитар Додовски е продуцент и визуелен уметник од Битола. Има издадено повеќе соло албуми и соработувал во разни проекти. Со последниот албум ја одбележуа 20-годишнината од неговото музичко творештво.
Мартин Георгиевски е продуцент од Скопје на амбиентална и импровизирана музика, активен од 2009 година под псевдонимот Амплидајн Ефект. Во изминатите години, издаде бројни албуми и настапуваше на регионални и меѓународни фестивали во Словачка Србија, Италија, Холандија, а настапувал и на Скопскиот џез фестивал.
Нинослав Спировски е македонски џез кларинетист и саксофонист, дел од генерацијата што го поттикна новиот бран на импровизирана музика во земјава. Како еден од најактивните учесници на сцената, застапува личен израз и оригиналност надвор од традиционалните џез шеми.
Најпознат е по работата со „Светлост и Светлост + Одрон Ритуал Оркестра“, а учествува и во бројни други состави.
Влезот е со препорачана донација за музичарите.
