Непалски Шерпас постави рекорд откако прв на светот по вторпат ги искачи сите 14 врва повисоки од 8.000 метри. Четириесет и седумгодишниот Сану Шерпа го комплетираше подвигот со искачувањето на Гашербрум 2 во Пакистан, кој со своите 8.035 метри е 13. највисок врв на светот.
„Тој е првиот човек на светот кој двапати ги искачил 14-те највисоки планини“, изјави Нибеш Карки, извршниот директор на компанијата „Пајонир адвенчр“, чиј дел е Сану.
Осум од овие 14 врва се наоѓаат во Непал, а останатите шест се во Пакистан и регионот Тибет. Сану го искачил првиот врв во 2006, додека на Монт Еверест бил дури седум пати. Тој го заврши првото искачување на сите 14 врва во 2019.
