СÈ БЕШЕ ГЛУМА, ВЕЛИ ЛЕДИ ГАГА ЗА ИНТИМНИОТ НАСТАП СО БРЕДЛИ КУПЕР НА ОСКАРИТЕ

Њујорк, (Пипл)

Леди Гага призна дека интимниот настап со Бредли Купер на Оскарите во неделата бил само шоу и дека двајцата добро знаеле што прават.

Неколку дена откако освои оскар за најдобра песна за „Плитко“, Гага гостуваше во шоуто на Џими Кимел и таму зборуваше за својот незаборавен настап со колегата од „Ѕвезда е родена“, за кој многумина кажаа дека бил преинтимен и преромантичен.

„Сето тоа беше глума. Луѓето видоа љубов и тоа е токму оние што ние сакавме тие да видат. ‘Плитко‘ е љубовна песна, ‘Ѕвезда е родена‘ е љубовна приказна. За нас беше многу важно да бидеме поврзани цело време. Кога пееш љубовна песна, сакаш луѓето така и да ја почувствуваат. Јас и Бредли сме уметници и мислам дека добро си ја завршивме работата“, изјави 32-годишната поп ѕвезда.

Освен што беше режисер и продуцент на филмот, Гага вели дека Купер организирал и секој момент од нивниот настап на Оскарите.

„Тој беше многу возбуден да види како Холивуд ќе реагира на него како пејач. И јас бев. Реакцијата на публиката сè кажа“, додаде Гага.