Македонскиот модел Јулијана Ѓорѓиевска ја освои титулата Кралица на Европа на изборот за убавина Кралица на Евроазија, што се одржа во Анталија, Турција. Ѓорѓиевска има 26 години и е од Крива Паланка. Ја освои титулата во конкуренција на 30 девојки од 30 земји од Европа и Азија.
Во театарот во Анталија, каде што се одржа изборот, титулата Кралица на Азија ја освои претставничката на Египет, а вкупната победничка доаѓа од Русија.
„Горда сум што ја претставував Македонија на овој избор за убавина и што ја освоив титулата Мис на Европа или Кралица на Европа. Одлична организација и добро искуство за мене“, ни рече Ѓорѓиевска.
Ова беше 10. издание на овој избор. Во Македонија, лиценцата за учество ја има модното студио „Црнокрак“, чија членка е Ѓорѓиевска.
М. ЏАРОВСКА
