Режисерката Теа Беговска почна со пробите за претставата „Фамилија Адамс“ во Драмски театар во Скопје. Членовите на имагинарната фамилија Адамс се најпознатите ликови кои ги креирал американскиот писател и карикатурист Чарлс Самјуел Адамс, познат по користењето на црниот хумор.
Ликовите ги играат Предраг Павловски, Трајанка Илиева-Вељиќ, Гордана Ендровска, Нина Елзесер, Сашо Тасевски, Томислав Давидовски, Марјан Наумов, Емилија Мицевска, Златко Митрески и Маја Вељковиќ-Пановска.
Сценографијата е на Никола Пијанманов, костимите на Ратка Џамбазовска-Коцев и Раде Василев. Автор на музиката е Енес Беговски, а кореографијата е на Бојан Лазаров.
Од Драмски велат дека премиерата, четврта од почетокот на годината, е планирана за 25 декември. Претставата се реализира со сопствени средства на театарот.
