АЛ ПАЧИНО ЌЕ ЛОВИ НАЦИСТИ ВО СВОЈАТА ПРВА ТВ-СЕРИЈА

Лос Анџелес, (Холивуд рипортер)

Холивудската легенда Ал Пачино ќе има една од главните улоги во серијата „Лов“, што за „Амазон“ ја продуцираат компаниите на оскаровецот Џордан Пил. Тоа ќе биде прва ТВ-серија во кариерата на Пачино.

Креирана од Дејвид Веил, „Лов“ ќе има десет епизоди и ќе следи група ловци на нацисти во Њујорк во 1977 година. Тие откриваат дека во САД живеат стотици високопозиционирани нацисти, кои работат на создавањето на Четврти рајх.

Седумдесет и осумгодишниот Пачино има освоено две Еми награди, но за поинакви ТВ-проекти. Тој во кариерата има само едно појавување во ТВ-серија, и тоа на самиот почеток во 1968 година.