Меланија Трамп е на својата прва соло турнеја, во рамките на која ќе посети четири држави во Африка и јавноста забележа дека откако е прва дама на САД, никогаш не ја виделе толку среќна и насмеана.
Илјадници километри од Вашингтон, Меланија Трамп се среќава со локални луѓе и лидери и запознава како функционираат американските програми за поддршка на здравството и образованието.
„Ова е најсреќната Меланија Трамп откако стана прва дама. Никогаш не сум ја видела толку да се смее“, прокоментира Кејт Бенет од Си-Ен-Ен, која речиси две години ги покрива нејзините активности.
Таа прво ја посети Гана, по што на распоредот беа Кенија, Малави и Египет.
„Јас не секогаш се согласувам со твитовите на Доналд. Имам сопствени ставови и мислења и многу ми е важно што можам да ги искажам моите чувства“, кажа таа во Египет.
На својата турнеја, Меланија посети бивша утврда за робови, училишта и сиропиталишта и се играше со слончиња.
