Американската пејачка Деми Ловато се сврши со актерот Макс Ерик, точно две години откако преживеа предозирање со хероин. Дваесет и седумгодишната Ловато и ѕвездата на сапунската серија „Млади и неуморни“ се во врска од почетокот на оваа година.
Ловато оваа година имаше голем камбек во јавноста, при што објави неколку синглови, ја отпеа американската химна на Супербоулот и настапи на доделувањето на наградите Греми, а се појави и во комедијата на „Нетфликс“, „Евровизија: Приказната за Фајр сага“.
Таа во минатото отворено зборуваше за своите проблеми со зависности и откако во март 2018 одбележа шест години трезвеност, повторно им се врати на лошите навики, што за малку не заврши фатално во јули истата година, кога беше пронајдена предозирана.
