Грета Гервиг ќе ја режира комедијата на „Ворнер брос“, „Барби“ со Марго Роби во насловната улога. Веста за новиот проект на режисерката на „Мали жени“ и „Леди Бирд“ ја соопшти Роби во интервју за британски „Вог“.
„Играњето со оваа кукла промовираше доверба, љубопитност и комуникација. Почестена сум што ја добивам оваа улога, за која верувам дека ќе има неверојатно позитивно влијание врз децата“, изјави Роби.
Снимањето на „Барби“ беше најавено уште во 2019, и често се шпекулираше за режисерското име, откако во јавноста се појавија информации дека Гервид и нејзиниот сопруг Ноа Баумбах го пишуваат сценариото.
„Вараети“ објави дека Гервиг и Баумбах во моментов работат на филмот „White Noise“, во кој таа глуми, и дека откако ќе го завршат, во 2022 ќе почнат со снимањето на „Барби“. Премиерата се планира за 2023.
