Облечена во црно-бела креација на „Шанел“, оскаровката Пенелопе Круз го предводеше враќањето на филмските ѕвезди на црвениот килим на фестивалот во Венеција. Седумдесет и шестото издание на Мостра отвори со „Паралелни мајки“, новиот филм на Педро Алмодовар, со Круз во главната улога.
За разлика од Кан, најстариот филмски фестивал во светот не го прескокна изданието во 2020 поради пандемијата на ковид-19, но годинава, ѕвездите се вратија на брегот Лидо во знак на поддршка на филмската индустрија.
Организаторите се грижат за строг протокол со цел 11-дневниот фестивал да помине без проблеми. Задолжителни се сертификат за примена вакцина или негативен ПЦР тест и забрането е публиката да се доближува до црвениот килим.
„Сите се желни да се вратат, да се рестартираат, да ги претстават филмовите што останаа заклучени година и пол, можеби две години“, изјави директорот на фестивалот Алберто Барбера.
